Vastu Tips: మానవ జీవితానికి సంబంధించిన అనేక విషయాల గురించి వాస్తు శాస్త్రంలో పరిగణించబడింది. వాస్తు శాస్త్రంలో కేవలం ఇంటి నిర్మాణం, ఇంట్లో ఉండే వస్తువుల గురించి మాత్రమే కాదు మనిషికి సంబంధించిన అనేక విషయాల గురించి కూడా అనేక నియమాలు చెప్పబడ్డాయి. ప్రతి ఒక్కరు కూడా ఆహారం ఎలా తినాలి అంటూ ఆహారం తినడానికి సంబంధించిన అనేక విషయాల గురించి కూడా వాస్తు శాస్త్రంలో ప్రస్తావించబడింది. ఆహారం తినడానికి ముఖ్యంగా కొన్ని దిశలలో మాత్రమే కూర్చోవాలి. వాస్తు నియమాలను పాటించి ప్రతిరోజు ఆహారం తినడం వలన ఆరోగ్యం మరియు శరీరంపై కూడా మంచి ప్రభావం ఉంటుంది.
సరైన దిశలో కూర్చొని ప్రతిరోజు ఆహారం తినడం వలన ఆ ఇంట్లో శాంతి, విజయం మరియు ఆరోగ్యం కలుగుతాయని వాస్తు శాస్త్రా నిపుణులు సూచిస్తున్నారు. వాస్తు నియమాలను పాటించడం వలన ఇంట్లో సానుకూల శక్తి ఏర్పడి శాంతి ఉంటుంది. ఇంట్లో ఉన్న కుటుంబ సభ్యులందరూ ఎటువంటి గొడవలు లేకుండా ప్రశాంతంగా ఉంటారు. వాస్తు శాస్త్రంలో ఇంట్లో ఏ దిశలో కూర్చొని తినాలో కూడా చెప్పబడింది. జీవితంలో మీరు పురోగతి అలాగే విజయం సాధించాలంటే వాస్తు శాస్త్రం ప్రకారం తప్పకుండా సరైన దిశలో కూర్చొని ఆహారం తినాలి. ప్రతి దిశలో కూడా అనేక రకాల శక్తి ప్రవాహాలు ఉంటాయి అని వాస్తు శాస్త్రం చెబుతుంది. మీరు ఇంట్లో తూర్పు ముఖంగా కూర్చొని భోజనం చేస్తే అది మీ మెదడుకు మంచిది.
జీర్ణ వ్యవస్థను కూడా బలపరుస్తుంది. మానసిక ఒత్తిడి తగ్గుతుంది అలాగే వృద్ధులకు మరియు రోగులకు కూడా ఈ దిశలో కూర్చొని తినడం చాలా ప్రయోజనకరంగా ఉంటుంది. ముఖ్యంగా పశ్చిమ దిశను లాభ దిశా అని కూడా అంటారు. ఈ దిశలో కూర్చొని ఆహారం సేవిస్తే పురోగతి లభిస్తుంది. ముఖ్యంగా ఇది వ్యాపారం, పరిశోధన, విద్య సంబంధించిన వ్యక్తులకు చాలా శుభప్రదంగా చెప్తారు. ఉత్తర దిశలో కూర్చొని తింటే సంపద మరియు జ్ఞానం పొందుతారు. ముఖ్యంగా విద్యార్థులు ఉత్తర దిశలో కూర్చొని భోజనం చేయాలి. దక్షిణ దిశను యమధర్మరాజు దిశగా చెప్తారు. ఈ దిశలో కూర్చుని తింటే అది పేదరికానికి దారి చూస్తుంది. కుటుంబంలో గొడవలు కూడా ఏర్పడతాయి. కాబట్టి ఈ దిశలో కూర్చుని ఎప్పుడు కూడా ఆహారం సేవించకూడదు.
